സിഹ്ർ യാഥാർഥ്യം ഇതാണ്. സിഹിർ എന്ന ഒരു പ്രവർത്തി ഉണ്ട്. നമ്മുടെ നാട്ടിൽ ചില സിദ്ധന്മാർ ചെയ്യുന്നത് പോലെ. അവരും ചില കർമ്മങ്ങളൊക്കെ ചെയ്യാറുണ്ടല്ലോ. വാസ്തവത്തിൽ അത് തട്ടിപ്പാണെന്നു നമുക്കറിയാം. അവർ ചെയ്യുന്ന ആ പ്രവർത്തി കൊണ്ട് എന്തെങ്കിലും സംഭവിക്കുമോ? ഒന്നും സംഭവിക്കില്ല. എന്നാൽ ആ പ്രവർത്തികൾക്ക് ഫലമുണ്ടെന്നു വരുത്തിത്തീർക്കുവാൻ അവർ പല ചതികളും വഞ്ചനകളും നടത്തുന്നു. അത് ചിലപ്പോൾ ഏഷണിയും നുണ പറച്ചിലുമാകാം,അല്ലെങ്കിൽ മറ്റെന്തെങ്കിലും ചതി പ്രയോഗങ്ങളാകാം. അത് ഓരോ സിഹിറിന്റെയും ലക്ഷ്യങ്ങൾക്കനുസരിച്ചായിരിക്കും.ഇങ്ങനെ ചില തട്ടിപ്പിലൂടെ അവർ തങ്ങളുടെ ഉദ്ദേശം പൂർത്തീകരിക്കുന്നു. എന്നിട്ടു തങ്ങൾ ചെയ്ത സിഹ്ർ മൂലമാണ് അല്ലെങ്കിൽ അദൃശ്യ കഴിവ് കൊണ്ടാണ് ഇതൊക്കെ സംഭവിക്കുന്നത് എന്ന് ജനങ്ങളെ തെറ്റിദ്ധരിപ്പിക്കുന്നു.ദുർബല വിശ്വാസികൾ അത് കേട്ട് വിശ്വസിക്കുന്നു.അങ്ങനെ പാമര ജനങ്ങളെ ശിര്കിലേക്കും കുഫ്‌റിലേക്കും തള്ളിവിടുന്നു. ഇത് കൊണ്ട് തന്നെയാണ് അതിനെ കുഫ്ർ എന്ന് പറയുന്നതും.ഇത് പോലെ തന്നെയാണല്ലോ ജ്യോതിഷത്തിലും പക്ഷിശാസ്ത്രത്തിലുമൊക്കെ സംഭവിക്കുന്നത്. അത് ചെയ്യുന്നതിനും ഓരോ കർമ്മമുണ്ട്. കപ്പടി നിരത്തിയും ദേവീ ദേവന്മാരെ പൂജിച്ചുമൊക്കെയാണല്ലോ അവരതു ചെയ്യുന്നത്. എന്നാൽ അത് കൊണ്ട് എന്തെങ്കിലും ഫലമുണ്ടോ? അതിലൂടെ അവർക്കു ഭാവി അറിയുവാൻ സാധിക്കുമോ? ഒരിക്കലുമില്ല. ഇത് പോലെ തന്നെയാണ് സിഹ്‌റും.

നബി [സ ] പറഞ്ഞു ; " വല്ലവനും ഏലസ്സ് കെട്ടിയാൽ അവൻ ശിർക്ക് ചെയ്‌തു " (അഹമ്മദ് 16969 ) عن أبي هريرة قال قال رسول الله صلى الله عليه وسلم من عقد عقدة ثم نفث فيها فقد سحر ومن سحر فقد أشرك ومن تعلق شيئا وكل إليه അബൂഹുറൈറ [ റ ] നിന്നും നിവേദനം : നബി [സ ] പറഞ്ഞു :' ആരെങ്കിലും വല്ല കെട്ടിൽ മന്ത്രിച്ചാൽ അവൻ സിഹ്‌ർ ചെയ്‌തു ആരെങ്കിലും സിഹ്‌ർ ചെയ്‌താൽ അവൻ ശിർക്ക് ചെയ്‌തു ആരെങ്കിലും വല്ലതും ശരീരത്തിൽ ബന്ധിച്ചാൽ അവൻ അതിന്മേൽ ഭരമേല്പിക്കപെട്ടു " [ നാസായി 4079 , മുസന്നഫ് അബ്ദുറസ്സാഖ് 19772 ] إن رسول الله - صلى الله عليه وآله وسلم - حدثنا : " إن الرقى والتمائم والتولية شرك " قال : فقلت : ما التولية ؟ قال : " التولية هو الذي يهيج الرجال " هذا حديث صحيح الإسناد على شرط الشيخين ، ولم يخرجاه നബി [സ ] പറഞ്ഞു ; "നിശ്ചയം മന്ത്രവും , ഏലസ്സും , തിവലത്തും ശിർക്കാണ്‌ " ( ഹാക്കിം 8339 ) التولة بكسر التاء المثناة من فوق وفتح الواو واللام نوع من السحر يجلب المرأة إلى زوجها شرك من أفعال المشركين أي : لأنه قد يفضي إلى الشرك إذا اعتقد أن لها تأثيرا حقيقة "തിവലത് എന്ന് പറഞ്ഞാൽ സിഹ്‌റിന്റെ ഇനത്തിൽ പെട്ടതാണ്. ഭർത്താവിലേക് സ്ത്രീ ആകർഷ്ടയാകാൻ വേണ്ടിയുള്ള മന്ത്രമാണത്. ത്വർച്ചയായും അതിന് തഅസീറുണ്ട്, ഹഖീഖത്തുണ്ട് എന്ന് വിശ്വസിച്ചാൽ അത് ശിർക്കിലേക്ക് എത്തിയേക്കാം " ( ഹാശിയത് സിന്ധി, ബാബു തഅലീക്കിൽ ത്തമാഇഎം, ഹദീസ് 3530) عن عمران بن حصين ، رضي الله عنه ، قال : قال رسول الله صلى الله عليه وسلم : " ليس منا من تطير أو تطير له ، أو تكهن أو تكهن له ، أو سحر أو سحر له ، ومن عقد عقدة - أو قال : من عقد عقدة - ومن أتى كاهنا فصدقه بما يقول فقد كفر بما أنزل على محمد صلى الله عليه وسلم . ഇമ്രാൻ ഇബ്ൻ ഹുസൈൻ [ റ ] നിന്നും നിവേദനം : നബി [സ ] പറഞ്ഞു :"ശകുനം നോക്കുന്നവനും നോക്കിപ്പിക്കുന്നവനും , ഭാവി പ്രവചിക്കുന്നവനും തനിക്ക് വേണ്ടി ഭാവി പ്രവചിപ്പിക്കുന്നവനും,സിഹ്‌ർ ചെയ്യുന്നവനും തനിക്ക് വേണ്ടി സിഹ്‌ർ ചെയ്യിപ്പിക്കുന്നവനും , കെട്ടുകൾ ഉണ്ടാക്കുന്നവനും ഉണ്ടാക്കിപ്പിക്കുന്നവനും നമ്മിൽ പെട്ടവനല്ല , അതേപോലെ ജ്യോത്സ്യനെ സമീപിക്കുകയും അവൻ പറയുന്നത് വിശ്വസിക്കുകയും ചെയ്യുന്നവൻ മുഹമ്മദിന് [സ ] അവതരിച്ചതിൽ അവിശ്വസിച്ചു . [ മുസ്‌നദ് ബസ്സാർ 3578 ] ورجاله رجال الصحيح ഇമാം ഹൈസമി പറയുന്നു : ഈ ഹദീസിലെ നിവേദകരെല്ലാം വിശ്വസ്തരാണെന്നു [ മജ്‌മൂ സവാഇദ് 8480 ] സിഹ്‌റിന് ഫലസിദ്ധിയുണ്ടെന്ന് വാദിക്കുന്ന ആളുകൾ പോലും വ്യഖ്യാനിക്കാൻ പറ്റാതെ ആ സത്യം അങ്കീകരിക്കുന്നു 'സ്വാലിഹ് ആലു ഷെയ്ഖ് പറയുന്നു ; സിഹ്‌റിലൂടെയും , സിഹ്‌റിന്റെ ഇനങ്ങളായ ജ്യോതിഷം , കണക്കുനോക്കൽ എന്നിവയിലൂടെ ലഭിക്കുന്ന വിവരങ്ങൾ വിശ്വസിക്കുകയും സത്യപ്പെടുത്തുകയും ചെയ്യുന്നവൻ എന്നാണ് ' [ അതംഹീദു ലി ശറഹിൽ കിത്താബു തൗഹീദ് 347 -348] അത് തന്നെയാണ് സിഹ്‌റിന് ഫലസിദ്ധിയുണ്ടെന്നു വിശ്വസിക്കുന്നവൻ എന്ന് പറയുന്നതും . മുഹമ്മദ് നബിക്ക് സിഹ്‌ർ ചെയ്യുമ്പോൾ അത് ഫലിക്കും എന്ന് ലബീദ് പറയുന്നത് വിശ്വസിക്കൽ , അങ്കീകരിക്കൽ അതാണ് "മുഅമീനും ബി സിഹ്‌ർ " എന്ന് പറയുന്നത് . കണക്കുനോക്കി സാഹിർ [ ജ്യോൽസ്യൻ ] "നിങ്ങൾക്ക് ഇപ്പോൾ ശനിദശയാണ് " എന്ന് പറയുന്നത് വിശ്വസിക്കുന്നതാണ് "മുഅമീനും ബി സിഹ്‌ർ ". അല്ലാഹു പറയുന്നു : " വേദത്തില്‍ നിന്ന്‌ ഒരു വിഹിതം നല്‍കപ്പെട്ടവരെ നീ നോക്കിയില്ലെ? അവര്‍ ജിബ്‌ത്തിലും താഗൂത്തിലും വിശ്വസിക്കുന്നു. സത്യനിഷേധികളെപ്പറ്റി അവര്‍ പറയുന്നു; ഇക്കൂട്ടരാണ്‌ വിശ്വാസികളെക്കാള്‍ നേര്‍മാര്‍ഗം പ്രാപിച്ചവരെന്ന്‌. " [ നിസാഅ` 51 ] عن عمر بن الخطاب أنه قال : " الجبت " : السحر ، و " الطاغوت " : الشيطان . ഉമർ [ റ ] പറഞ്ഞു ; ജിബ്‌ത് എന്നാൽ സിഹ്‌റാണ് താഗൂത് എന്നാൽ പിശാചും [ തഫ്‌സീർ ഇബ്ൻ കസീർ 4 / 115 ] അല്ലാഹുവിന്റെ വചനങ്ങളിൽ നിന്നും സിഹ്‌റിൽ വിശ്വസിക്കൽ കുഫ്‌റാണെന്ന് വ്യക്തമാകുന്നു ആ കുഫ്‌റിൽ അകപ്പെട്ടവരാണ് യഹൂദികൾ അതുകൊണ്ട് തന്നെയാണ് സാഹിറന്മാർ പറയുന്നത് സത്യമാണെന്നു വിശ്വസിക്കുന്നവൻ പരിശുദ്ധ ഖുർആനിനെ അവിശ്വസിച്ചു എന്ന് നബി [ സ ] പറഞ്ഞതും . സിഹ്‌റിന് ഒരു ഫലസിദ്ധിയുമില്ല , നക്ഷത്രങ്ങൾ നോക്കി കണക്കുകൂട്ടി ഭാവി പ്രവചിക്കുന്നത്തിനും യാതൊരു അടിസ്ഥാനവുമില്ല കേവലം കളവും , വഞ്ചനയും ശിർക്ക് കലർന്നതുമാണ് . യാഥാർഥ്യമില്ലാത്ത അടിസ്ഥാനമില്ലാത്ത സംഗതികളിൽ വിശ്വസിക്കുന്നതിനാലാണ് അതെല്ലാം ശിർക്കും , സത്യനിഷേധവുമാകുന്നത് . യാഥാർഥ്യവും അടിസ്ഥാനവുമുള്ള ഒന്നിനെ സത്യനിഷേധത്തിൽ എണ്ണുകയില്ല .

അബൂ സഈദിൽ ഖുദ്രിയിൽ നിന്ന് : അദ്ദേഹം പറയുന്നു : റസൂൽ (സ ) പറഞ്ഞു : അഞ്ചു കാര്യങ്ങൾ ഉള്ളവന (ഏതെങ്കിലും ഒന്നുല്ലവാൻ ) സ്വർഗത്തിൽ പ്രവേശിക്കുകയില്ല . സ്ഥിരം മദ്യപാനി , കൂടോത്രത്തിൽ വിഷ്വസിക്കുന്നവൻ , രക്തബന്ധം മുറിക്കുന്നവൻ , ജ്യോത്സ്യൻ , ചെയ്ത നന്മകൾ എടുത്തു പറയുന്നവാൻ .(അഹമ്മദ്‌ )